ޢަލީ މޫސާާާާ

20 ވަނަ ރައްޔިތުން މަޖްލިސްގެ ޢިއްޒަތްތެރި މެމްބަރު، ޢަލީ މޫސާ، ދިލްކަޝްގެ / ހއ. ހޯރަފުށީ

ތަޢުލީމީ ބިންގަލުގެ ފެށުން

• ކުޑަކުއްޖެއްގެ ފުރައިން ނޫކަށިފުރައިގެ ޒުވާނަކަށްވީ އަމިއްލަރަށް (ހޯރަފުށީ) ގައި ލޯބިވާ ޢާއިލާޔާ އަދި ހޯރަފުށިގެ އަޚުންނާއި އުޚުތުންނާއި އެކުގައި،
• ހއ. އަތޮޅު މަދަރުސާއިން ފަށާތަޢުލީމާއި މެދުމަދަރުސީ ތަޢުލިމު ޙާޞިލް ކުރެއްވުމަށްފަހު، ތަޢުލީމު ޙާޞިލްކުރުމުގެ ފުރުޞަތު ރަށުގައި ފުޅާވެފައި ނެތުމުން ލޯބިވާ ޢާއިލާއާއި، އެކުވެރިން ދޫކުރައްވާ މަލެއަށް ހިޖުރަކުރުމަށް މަޖުބޫރުވެ، މާލޭގައި ހުންނަވައިގެން ޘާނަވީ ތަޢުލީމު ޙާޞިލުކުރެއްވި،

ތަޢުލީމީ ވަނަވަރު

• 1996 ގައި ޘާނަވީ ތަޢުލީމު ޙާޞިލު ކުރައްވައިފައިވޭ،
• 21 ސެޕްޓެމްބަރު 2009 ވަނަ އަހަރު، ހޮސްޕިޓާލިޓީ އެންޑް ޓޫރިޒަމް މެނޭޖްމަންޓުގެ ދާއިރާއިން އިނގޭސިވިލާތުގެ ބާމިންގހަމް ޔުނިވަރސިޓީއިން އޮނާރސް ޑިގްރީ ޙާޞިލްކުރައްވައިފައިވޭ،
• 2012 ވަނަ އަހަރުގެ ނޮވެމްބަރުމަހު، އިނގިރޭސި ވިލާތުގެ ޔުނިވަރސިޓީއޮފް ސަންޑަލޭންޑުން ބިޒްނަސް އެޑްމިނިސްޓްރޭޝަން ދާއިރާއިން މާސްޓާޒް ޙާޞިލް ކުރައްވައިފައިވޭ،
• އަދި، މީގެ އިތުރުން ތަފާތު އެތައް ޕްރޮފެޝަނަލް އަދި ޓެކްނިކަލް ޓްރެއިނިންގތައް ހައްދަވައިފައިވޭ،

ޚިދުމަތުގެ ތަޖުރިބާ ޙާޞިލްކުރެއްވި ދާއިރާތަށް

• ފަތުރުވެރިކަމުގެ ދާއިރާގައި މެދުކެނޑުމެއް ނެތި 15 އަހަރު ޚިދުމަތްކުރައްވައިފައިވޭ،
• ވޭސްޓް މެނޭޖްމަންޓް ކޯޕަރޭޝަން (ވެމްކޯ) އިން މާލޭގެ ކުނީގެ މައްސަލަ ޙައްލުކޮށް، މި އިންޤިލާބީ ބަދަލު ތަންފީޛުކުރެއްވުމުގައި އިސްދައުރެއް އަދާކުރައްވައިފައިވޭ،
• 2016 ވަނަ އަހަރު އެމް.ޓީ.ޑީ.ސީގެ ޕަބްލިކް ޝެއަރ ހޯލްޑަރުން ތަމްސީލުކުރައްވާ ބޯޑު ޑައިރެކްޓަރ އެއްގެ ގޮތުގައި ޚިދުމަތް ކުރައްވައިފައިވޭ،

ފާހަގަކޮށްލެވޭ ބައެއް އިޖުތިމާޢީ ޚިދުމަތްތައް

• ކީރިތި ޤުރްއާނާގެ ޢިލްމާއި، ފަންނު ދިރުވައި، އާލާކޮށްދެއްވުމަށް 2002 ވަނަ އަހަރުން ފެށިގެން 17 އަހަރަށްވުރެ ގިނަދުވަހު އަމިއްލަ ރަށްކަމުގައިވާ ހޯރަފުއްޓަށް ޚިދުމަތްކޮށްދެއްވައިފައިވޭ،
• އަމިއްލަ ރަށާއި، ހއ. އަތޮޅަށް ފަޚްރުވެރި ރަން ވަނަތަކެއް ހޯދައިދިން އަދި އެ ހިޔާވަހިކަމުގައި ގިނަ ދަރީންތަކެއް ބިނާކުރި ހޯރަފުށީ ތަޢުލީމުލްބަޔާން ޤުރްއާން ކުލާހުގެ އެއް މުއައްސިސް އަކީ ޢަލީ މޫސާ،
• 2000 ވަނަ އަހަރު ހިންގަންފެށި އާދަމް ސަލީމް ހަނދާނީ ޕްރީސްކޫލްގެ ބިންގަލުންފެށިގެން އެ ސްކޫލުގެ 21 އަހަރުގެ ދިގު މާޒީގައި މާލީ ގޮތުންނާއި، ފަންނީގޮތުން ޚިދުމަތް ކޮށްދެއްވައިފައިވޭ،
• 2001 ވަނަ އަހަރު ހޯރަފުށީގައި ޤައުމީ ފެންވަރުގައި ފާހަގަކުރެވުނު 21 ވަނަ މަސްވެރީންގެ ދުވަހުގެ ތައްޔާރީތަކުގައި، ރައްޔިތުންނާއިއެކު ބުރަ މަސައްކަތުގައި ޢަމަލީގޮތުން ޚިދުމަތް ކުރަވައިފައިވޭ،
• ހޯރަފުށީ އެޑްވާންސްމަންޓް ސޮސައިޓީ (ހޭޒް) ޖަމްޢިއްޔާގެ ބާނީގެ ޙައިޞިއްޔަތުން، ރާއްޖޭގެ ގިނަ ރަށްތަކެއްގައި ފަންނުވެރި، ހުނަރުވެރި، އަދި އުފެއްދުންތެރި ޖީލެއް ބިނާކުރެއްވުމުގައި ލާމަސީލު ޚިދުމަތްތަކެއް ކޮށްދެއްވައިފައިވޭ،